అనిరుధ్ రవిచందర్‌తో 'Deconstruct' బ్రాండ్ వినూత్న భాగస్వామ్యం.

సంగీత సంచలనం అనిరుధ్ రవిచందర్ ప్రముఖ స్కిన్‌కేర్ బ్రాండ్ 'డికన్‌స్ట్రక్ట్' (Deconstruct) తో అధికారికంగా జతకట్టారు. ఒక సహజమైన డిజిటల్ సందర్భం నుండి పుట్టుకొచ్చిన ఈ ఆసక్తికరమైన భాగస్వామ్యం ఇప్పుడు చర్చనీయాంశంగా మారింది. తన చార్ట్‌బస్టర్ స్వరాలతో, ఎనర్జిటిక్ ప్రెజెన్స్‌తో ప్రేక్షకులను అలరిస్తున్న అనిరుధ్ తాజా ప్రయాణంలో ఈ కొలాబరేషన్ ఒక ప్రత్యేక ఆకర్షణగా నిలిచింది.

అనిరుధ్‌కు సంబంధించిన ఒక ఇన్‌స్టాగ్రామ్ రీల్‌లో బ్యాక్‌గ్రౌండ్‌లో 'డికన్‌స్ట్రక్ట్' సన్‌స్క్రీన్ అనుకోకుండా కనిపించడంతో ఈ అనుబంధం మొదలైంది. అభిమానులు వెంటనే ఆ ప్రొడక్ట్‌ను గమనించడం, అది సోషల్ మీడియాలో వైరల్ కావడంతో పెద్ద ఎత్తున చర్చ జరిగింది. ఈ ఆకస్మిక స్పందన డికన్‌స్ట్రక్ట్ యాజమాన్యం దృష్టిని ఆకర్షించింది. ఏదో ఒక సాధారణ ప్రకటనలా కాకుండా, ఒక సహజమైన కథనంతో ఈ బ్రాండ్ ప్రచారాన్ని ముందుకు తీసుకెళ్లాలని వారు నిర్ణయించుకున్నారు.

డికన్‌స్ట్రక్ట్ సీఈఓ మాలిని అడపురెడ్డి ఈ సందర్భంగా మాట్లాడుతూ.. "ఆ క్షణానికి ప్రజలు ఎంత సహజంగా కనెక్ట్ అయ్యారో చూసినప్పుడు, దీనిని అధికారికంగా ముందుకు తీసుకెళ్లడమే సరైనదని మాకు అనిపించింది. అనిరుధ్ నిజాయితీకి, అందరికీ చేరువయ్యే వ్యక్తిత్వానికి మారుపేరు. ఈ విలువలు మా సైన్స్ ఆధారిత బ్రాండ్ విలువలకి సరిగ్గా సరిపోతాయి" అని పేర్కొన్నారు. ఆధునిక మార్కెటింగ్ రంగంలో వినియోగదారులే ఒక కథను సృష్టించడం, దానికి బ్రాండ్స్ సానుకూలంగా స్పందించడం అనే ధోరణికి ఈ భాగస్వామ్యం నిదర్శనంగా నిలుస్తుంది.

అనిరుధ్ ఇమేజ్‌కు, డికన్‌స్ట్రక్ట్ బ్రాండ్ విలువలకి కుదిరిన ఈ అద్భుతమైన కలయికను అభిమానులు ఉత్సాహంగా స్వాగతిస్తున్నారు. రాబోయే రోజుల్లో ప్రేక్షకులను ఆకట్టుకునే సరికొత్త క్యాంపెయిన్‌లతో ఈ బంధం మరింత బలోపేతం కానుంది.