నార్త్ అమెరికాలో రికార్డు ప్రీమియర్ సేల్స్‌తో సెన్సేషన్ సృష్టిస్తున్న రామ్ చరణ్ 'పెద్ది'

నార్త్ అమెరికాలో ప్రీ-సేల్స్ రికార్డులను తిరగరాస్తున్న రామ్ చరణ్ 'పెద్ది'

రామ్ చరణ్ మోస్ట్ అవేటెడ్ చిత్రం 'పెద్ది', నార్త్ అమెరికా బాక్సాఫీస్ వద్ద ప్రకంపనలు సృష్టిస్తోంది. బుకింగ్స్ ప్రారంభమైన కొద్ది రోజుల్లోనే 7,500 కి పైగా ప్రీమియర్ టిక్కెట్లు అమ్ముడయ్యాయి. కేవలం బుకింగ్స్ మొదలైన కొద్దిసేపటికే $200,000 మార్కును దాటడం, ఈ రూరల్ స్పోర్ట్స్ యాక్షన్ డ్రామాపై ఓవర్సీస్‌లో ఉన్న విపరీతమైన క్రేజ్‌ను చాటిచెబుతోంది.

తన పవర్‌ఫుల్ పర్ఫార్మెన్స్‌తో గ్లోబల్ స్థాయిలో గుర్తింపు తెచ్చుకున్న రామ్ చరణ్, అదే జోరును 'పెద్ది'తోనూ కొనసాగిస్తున్నారు. దర్శకుడు బుచ్చిబాబు సానా తెరకెక్కిస్తున్న ఈ చిత్రంలో చరణ్ గతంలో ఎన్నడూ చూడని విధంగా రగ్గడ్ లుక్‌లో, పూర్తి ఫిజికల్ ట్రాన్స్‌ఫర్మేషన్‌తో కనిపిస్తుండటం సోషల్ మీడియాలో భారీ చర్చకు దారితీసింది. బుకింగ్స్ మొదలైన కేవలం ఐదు గంటల్లోనే $100,000 మార్కును క్రాస్ చేయడం భారతీయ సినిమాల చరిత్రలో ఒక సరికొత్త రికార్డు అని ఇండస్ట్రీ ట్రాకర్లు విశ్లేషిస్తున్నారు.

ఈ ఉత్సాహాన్ని మరింత పెంచుతూ, మే 16న భోపాల్‌లో గ్రాండ్ ట్రైలర్ లాంచ్ ఈవెంట్‌ను మేకర్స్ ప్లాన్ చేశారు. ఈ వేడుకలో ఆస్కార్ విజేత ఏ.ఆర్. రెహమాన్ లైవ్ పెర్ఫార్మెన్స్ ఇవ్వనున్నారు. రామ్ చరణ్ కొత్త అవతార్ మరియు సినిమా భారీతనంపై ఇప్పటికే ఫ్యాన్స్‌లో అంచనాలు ఆకాశాన్ని తాకుతున్నాయి.

జూన్ 3న వరల్డ్ వైడ్ ప్రీమియర్స్, జూన్ 4, 2026న థియేట్రికల్ రిలీజ్ కానున్న 'పెద్ది' బాక్సాఫీస్ వద్ద ఎన్ని వండర్స్ క్రియేట్ చేస్తుందో అని అంతా ఆసక్తిగా ఎదురుచూస్తున్నారు. ప్రస్తుతం అందరి కళ్లు ట్రైలర్ లాంచ్ మరియు ఓపెనింగ్ వీకెండ్ కలెక్షన్లపైనే ఉన్నాయి.